Google ADS

Chelsea demolon Middlesbrough, kualifikohet në finale të Carabao Cup

23:08 | 23 Janar 2024
D.H

Chelsea ka arritur të mposht skuadrën e Middlesbrough me rezultat 6-1 në kuadër të gjysmëfinales së dytë të EFL Cup.

Me anë të kësaj fitore blutë e Londrës kanë rikthyer disavantazhin nga ndeshja e parë që kishin dhe u kualifikuan në finale, shkruan Arbresh.info.

Festivalin e golave e nisi Jonathan Howson (auto-gol) në minutën e 15-të, kur Armando Broja pas një goditje topi u devijua dhe përfundoi në rrjet.

Për 2-0 u përkujdes Enzo Fernandez që realizoi gol në minutën e 29-të.

Goli i tretë u shënua prej Axel Disasit në minutën e 36-të.

Për të mbyllur pjesën e parë me epërsinë prej katër golave u përkujdes Cole Palmer, tre minuta para fundit të pjesës së parë.

Po i njëjti realizoi edhe në minutën e 77-të për 5-0.

Kurse katër minuta më vonë Madeuke shënoi golin e gjashtë për blutë.

Golin e nderit për mysafirët e shënoi Rogers në minutën e 88-të.

Në finale, Chelsea e pret fituesin e duelit Liverpool-Fulham./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm